Take a fresh look at your lifestyle.

Kujtim Shala reagon për herë të parë pas zgjedhjeve: LDK-ja do të hapë një faqe të re

Nënkryetari i LDK-së, Kujtim Shala ka reaguar për herë të parë pas zgjedhjeve parlamentare në Kosovë.

Shala përmes një mesazhi në Facebook drejtuar “qëndrestarëve” të LDK-së, ka falënderuar ata për votimin e partisë.

“Ju falënderoj nga zemra për përkrahjen që i keni dhënë LDK-së, lëvizjes shqiptare të Kosovës, themelueses dhe garantueses së shtetit tonë”, ka shkruar ai, përcjell Telegrafi.

Shala iu është mirënjohës edhe votuesve të tij duke thënë se besimi i përsëritur është nderi më i madh.

“Falënderoj të gjithë ata qytetarë që kanë zgjedhur të më votojnë mua si kandidat të LDK-së dhe edhe një herë më kanë dhënë besimin që t’i përfaqësojë në Kuvendin e Kosovës”.

Njeriu i dytë më i votuar në LDK ka premtuar faqe të re për LDK-në dhe Kosovën.

“LDK-ja do të hapë një faqe të re te veten dhe të Kosovës. LDK-ja është partia e rrënjëve të Kosovës. LDK-ja nuk është vetëm një alternativë politike, por shenja thelbësore e shtetit tonë”, ka shkruar Shala./Telegrafi/

https://www.facebook.com/plugins/post.php?href=https%3A%2F%2Fwww.facebook.com%2FKujtimShalaLDK%2Fposts%2F2990019591272770&width=500&show_text=true&appId=1685629401733283&height=301