Take a fresh look at your lifestyle.

Tre të lënduar në një aksident në magjistralen Kaçanik-Ferizaj

Tre persona kanë pësuar lëndime trupore, joserioze, si pasojë e një aksidenti trafiku që është shkaktuar të premten mbrëma në magjistralen Kaçanik-Ferizaj, në vendin e njohur si “Fusha e Pajtimit”.

Aksidenti ka ndodhur rreth orës 21:30, në të cilin të përfshira janë dy vetura të udhëtarëve.

Rastin për Insajderi-n e ka konfirmuar Kanun Veseli nga Zyra për media në Drejtorinë Rajonale të Policisë në Ferizaj.

Veseli ka bërë të ditur se në vendin e ngjarjes menjëherë kanë dalë njësitet relevante të policisë.