Take a fresh look at your lifestyle.

Sekuestrohen 2.2 tonë kokainë në Kosovë, vlera e drogës 6 miliardë €

2 ton e 200 kilogram kokainë janë sekuestruar në Kosovë.

Operacioni u krye në bashkëpunim me policinë shqiptare, kosovare dhe atë italiane.

Mësohet se para 15 ditësh sasia e madhe ka ardhur në Durrës dhe ka qenë në vëzhgim nga policia.

Kamioni i kuq me targë 01 263 OD ka qenë më banane, siç thonë burimet e Top Chanel dhe ka qenë në vëzhgim nga policia shqiptare prej 15 ditësh. Sasia e sekuestruar e kokainës kap vlerën e 6 miliard eurove.

Ndërkohë lajmi ende nuk është konfirmua nga pala shqiptare.

Kjo është hera e tretë që , që nga porti i Durrësit kapet një sasi e madhe me kokainë.

Më herët në Prill u kapën 143 kg kokainë në Portin e Durrësit , ndërsa po ashtu u kapën edhe në 1 prill një tjetër sasi prej 49 kg kokainë, në pronësi të Selim Çekajt, babait të Arbër Çekajt, i dënuar dhe ky i fundit për trafikimin e 613 kg kokainë.