Take a fresh look at your lifestyle.

Hoxhaj reagon pasi Mali i Zi refuzoi të dërgojë ushtarë në Kosovë

Ushtruesi i detyrës së kryetarit të Partisë Demokratike të Kosovës, Enver Hoxhaj ka thënë se refuzimi i Malit të Zi për të dërguar ushtarë në Kosovë në kuadër të misionit paqeruajtës të KFOR-it, i shërben interesave të Serbisë dhe Rusisë, shkruan Gazeta Express.

Me anë të një postimi në Twitter, ai ka thënë se kjo që ka ndodhur është një thirrje për t’u zgjuar për partnerët në NATO.

Sipas tij, ndarja e unitetit të NATO-s në Ballkan dhe Kosovë i shërben vetëm interesave të Serbisë dhe Rusisë, dhe askujt tjetër.

“Refuzimi i Malit të Zi për të dërguar ushtarë në KFOR është një thirrje zgjimi për partnerët tanë në NATO. “Srpski Svet” po bëhet një kërcënim për orientimin Euro-Atlantik të Ballkanit Përendimor. Ndarja e unitetit #NATO në rajon dhe në #Kosovë u shërben vetëm interesave të Beogradit dhe Moskës, askujt tjetër”, ka shkruar Hoxhaj.