Take a fresh look at your lifestyle.

Merkel i kërkon Vuçiqit ta njohë Kosovën

Bundeskanzlerin Angela Merkel lädt kurzfristig den serbischen Ministerpräsidenten Aleksandar Vucic am 7. September 2015 ins Kanzleramt Berlin ein. Serbien hat große Herausforderungen zu bewältigen, da die Flüchtlinge den Weg aus Griechenland über Mazedonien, Serbien und dann weiter nach Ungarn suchen. | German Chancellor Angela Merkel invites the Serbian Prime Minister Aleksandar Vucic at short notice on September 7, 2015 at the Chancellery Berlin. Serbia is faced with major challenges, because the refugees take the way from Greece through Macedonia, Serbia and then for Hungary., Image: 257863755, License: Rights-managed, Restrictions: , Model Release: no, Credit line: Profimedia, Face To Face A
500

Kancelarja gjermane Angela Merkel pas takimit të sotëm me presidentin e Serbisë Aleksandar Vuçiq, ka shpresuar për progres në fazën e re të dialogut Kosovë-Serbi.

Ajo në një konferencë për media në Beograd deklaroi se Kosova nuk do të zhduket nga agjenda dhe se disa çështje zgjidhen në fund procesit.

“Disa çështje do të zgjidhen në fund të procesit. Jo të gjitha vendet e BE -së e kanë njohur pavarësinë e Kosovës. Unë jam për një qasje pragmatike. Kjo çështje nuk do të zhduket, duhet të zgjidhet. Por unë jam për një rrugë ku të gjitha çështjet e tjera zgjidhen së pari. Shpresoj se do të kemi përparim të ri në procesin rreth Kosovës”, u shpreh kancelarja gjermane duke iu referuar njohjes së pavarësisë së Kosovës nga Serbia.

Ndërkohë, vetë Vuçiq e ka të qartë se nuk ka anëtarësim në BE pa u zgjidhur çështja e Kosovës.

“Nëse pyetja është se a jemi të vetëdijshëm se nuk do të hyjmë në BE pa e zgjidhur çështjen e Kosovës, atëherë absolutisht është e qartë kjo. Ne biseduam për të gjitha çështjet rajonale, për rrugën evropiane të Serbisë, për dialogun me Prishtinën në Bruksel. I thashë kancelares se Serbia është e përkushtuar ndaj dialogut dhe se Serbia beson se një konflikt i ngrirë nuk është një zgjidhje e mirë dhe se ne do të jemi gjithmonë të hapur për një zgjidhje kompromisi”, tha Vuçiq.

Ndryshe, kancelarja gjermane Angela Merkel nesër do të vizitojë Tiranën, ku përveç kryeministrit të Shqipërisë, Edi Rama, do të takojë edhe kryeministrat e rajonit, përfshirë edhe atë të Kosovës Albin Kurtin.